Azərbaycan, Bakı, 9 sentyabr /Trend, müxbir İ.İsabalayeva/
Azərbaycanla Ümumdünya Səhiyyə Təşkilatının (ÜST) Avropa Regional Bürosu arasında əməkdaşlıq haqqında sənəd imzalanacaq. Trend-in məlumatına görə, bunu bu gün keçirdiyi konfransında ÜST-nin Avropa Regional Bürosunun rəhbəri Zsuzsanna Jakob bildirib.
Onun sözlərinə görə, sənəd növbəti il üçün əməkdaşlığı nəzərdə tutur. Sənəd Büronun Bakıda keçiriləcək 61-ci sessiyasında imzalanacaq.
Sənədi Azərbaycan tərəfdən səhiyyə naziri Oqtay Şirəliyev, ÜST tərəfdən isə Zsuzsanna Jakob imzalayacaq.
Sentyabrın 12-15-də Bakıda ÜST-nin Avropa Regional Bürosunun 61-ci sessiyası keçiriləcək.