Azərbaycan, Bakı, 13 sentyabr /Trend, müxbir İ.İsabalayeva/
Ölkələr qeyri-infeksion xəstəliklərin qarşısını almasalar, insanların rifahı və sağlamlığının qayğısına qalmaq mümkün olmayacaq. Trend-in məlumatına görə, bunu Rusiyanın səhiyyə və sosial inkişaf nazirinin müavini Veronika Skvortsova jurnalistlərə açıqlamasında bildirib.
Onun sözlərinə görə, şənbə günü BMT-nin Baş Assambleyasında qeyri-infeksion xəstəliklərlə bağlı yüsək səviyyədə görüş keçiriləcək.
Təsadüfi deyil ki, ÜST-nin baş direktoru Marqaret Çan da açıqladı ki, qeyri-infeksion xəstəliklərin müalicəsinə 30 triltyon dollar lazımdır", - nazir müavini qeyd edib.
O əlavə edib ki, hər kəsin keyfiyyətli tibbi yardım ala bilməsi üçün profilaktikanın prioritetlərini saxlamaq yeganə effektiv addımdır.
Skvortsova hesab edir ki, profilaktika ümumölkə sektorlararsı xarakter daşımalıdır.
"Təsadüfi deyil ki, biz Ümumdünya Səhiyyə Təşkilatının iclaslarında da tez-tez deyirik ki, hökumətin hər bir naziri həm də səhiyyə naziri olmalıdır", - nazir müavini əlavə edib.