Azərbaycan, Bakı, 15 oktyabr /Trend, müxbir K.Zərbalıyeva/
Azərbaycanda qanunsuz əmək fəaliyyəti ilə məşğul olan 19 əcnəbi saxlanılıb.
Dövlət Miqrasiya Xidmətindən Trend-ə verilən məlumata görə, oktyabrın 8-dən 13-dək Bakı şəhəri ərazisində qanunsuz miqrasiyaya qarşı keçirilən müvafiq tədbirlər nəticəsində Azərbaycan Respublikasının qanunvericiliyinin tələblərinə zidd olaraq fərdi icazə alınmadan əmək fəaliyyətinə cəlb edilmiş, eyni zamanda, ölkədə olma və yaşama qaydalarını pozmuş 19 əcnəbi aşkar edilib.
Həmin şəxslər barəsində Azərbaycan Respublikasının inzibati qanunvericiliyinin tələblərinə uyğun olaraq müvafiq qərarlar qəbul edilib.