Gürcüstan, Tbilisi, 2 yanvar /Trend, müxbir N.Kirsxaliya/
Gürcüstan Prezidenti Mixail Saakaşvili Əfqanıstanda öhdəliklərinin icrası zamanı həlak olmuş gürcü sülhməramlıların ailələrinə ömürlük təqaüd verilməsini təklif edib. Bu barədə çərşənbə günü Trend-ə Prezident Administrasiyasından məlumat verilib.
"Gürcüstan qanunvericiliyi ilə nəzərdə tutulan kompensasiyalardan başqa, Əfqanıstanda həlak olmuş gürcü sülhməramlıların ailələrinə ömürlük təqaüd təyin olunacaq", - Saakaşvili Əfqanıstanın Gilmənd vilayətində Gürcüstanın sülhməramlı kontingentinin hərbçiləri ilə görüşündə deyib.
Prezident müvafiq qanun layihəsinin baxılmaq üçün ölkə parlamentinə təqdim ediləcəyini bildirib.