Azərbaycan, Bakı, 14 iyun /Trend, müxbir S. Əhmədova/
Sülh Korpusu Azərbaycanda 10 illik yubileyini qeyd edir.
Trend-in məlumatına görə, yubiley tədbiri cümə günü Bakıda Sülh Korpusunun 27 könüllüsünün and içməsi ilə başlayıb. Tədbirdə
ABŞ-ın Azərbaycandakı səfiri Riçard Morninqstar, Sülh Korpusunun Azərbaycan üzrə nümayəndələri iştirak ediblər.
Səfir 10 il ərzində Sülh Korpusunun könüllülərinə öz qapılarını açdığı üçün Bakıda və regionlardakı Azərbaycan ailələrinə öz dərin təşəkkürlərini bildirib.
O, könüllüləri Azərbaycan mədəniyyəti ilə yaxından tanış olmağa və sevməyə çağırıb.