Bakı. Maksim Tsurkov - Trend:
Bu gün Bakıda Milli Gimnastika Arenasında qadın və kişi idman gimnastikası üzrə Azərbaycan çempionatı və Bakı birinciliyi, eləcə də akrobatika gimnastikası üzrə Azərbaycan çempionatının qalibləri mükafatlandırılıblar.
Trend-in məlumatına görə, kişi cütlüyü üzrə akrobatika gimnastikası yarışlarında Murad Əkbərov-Seymur Cəfərov, qadınlara arasında Raziyə Seyidli - Ləman Məmmədova - Emiliya Nəzərli üçlüyü, qarışıq cütlüklər arasında isə Əl Məşayxi Abdulla- Ruhidil Qurbanlı cütlüyü çempion olub. Nurcan Cabbarlı - Agasif Rəhimov cütlüyü isə ikinci yerə sahiblənib.
Kişi idman gimnastikası üzrə balalar (2009-2010) yaş kateqoriyasında Hüseyn Xəlilov qızıl medal qazanıb. David Məmmədov ikinci, Rəsul Acalov üçüncü yerdə qərarlaşıblar.
Balacalar (2006-2007) yaş kateqoriyasında Şamxal Əhmədov qızıl, Adil Paşayev gümüşə yiyələniblər.
Yeniyetmələr (2007-2008) arasında isə Rizvan Tağızadə qızıl, Çingiz Vəliyev gümüş, Əli Xəlilov bürüncə sahib çıxıblar.
Qadın idman gimnastikasında isə uşaqlar (2008-2009)yaş kateqoriyasında Məryəm Musayeva birinci olub. 4 hərəkət üzrə ikinci Dəniz Əliyeva, üçüncü isə Kristina Osekina olub.
Qızlar arasında yeniyetmələr (2007-2008) yaş kateqoriyasında Nazənin Teymuraova qızıl, Duyğu Məcidzadə gümüş, Fatimə Hüseynli bürüncə sahib çıxıblar.
Nəhayət 2004-2006 yaş kateqoriyasında Valeriya Şulyayeva qalib, Milana Minakovskaya ikinci, Nuray Nurməmmədli üçüncü olub.
2 gün davam edəcək turnirdə ümumilikdə 150-dən çox idmançı çempion adı uğrunda mübarizə aparacaq. Onlar Bakı Gimnastika Məktəbi, "Ocaq Sport" Klubu, Respublika Olimpiya İdman Liseyi və Sumqayıt şəhərini təmsil edirlər.
Yarışların ikinci günü uşaqlar (2004-2005), yeniyetmələr (2002-2004), gənclər (2000-2002) və böyüklər (1999-cu il təvəllüdlülər və daha böyüklər) yaş kateqoriyalarında kişi idman gimnastları, həmçinin 2009-2010-cu il təvəllüdlü qadın idman gimnastları çıxış edəcək.
