Bakı. Trend:
"Təhsil haqqında" qanuna görə universitet rektorları 5 il müddətinə təyin olunmalıdır. Rektorların əksəriyyəti isə 10 il müdəti ötüb. Digərləri isə bu müddətə yaxınlaşırlar.
Trend xəbər verir ki, bunu Milli Məclisin bu gün keçirilən iclasında deputat Etibar Əliyev deyib.
O bildirib ki, "Təhsil haqqında" qanunun tətbiqi çox vacibdir: "32 il, 20 ildən çox işləyən rektorlar var. 30 ildən çoxdur ki, müstəqillik qazanmışıq, bir universitet məşhur reytinqlərdə yer almayıb", - deyə o qeyd edib.
Qeyd edək ki, bu gün Milli Məclisin növbədənkənar sessiyasının son iclası keçirilir. İclasın gündəliyinə 19 məsələ daxildir.