Bu il "Zaman-Azərbaycan" qəzetinin fəaliyyətə başlamasının 15 ili tamam olur. Trend in məlumatına görə, mayın 26-da qəzetin yubileyi münasibəti ilə Müslüm Maqomayev adına Azərbaycan Dövlət Filarmoniyasında yubiley tədbiri keçiriləcək.
Tədbirdə qəzetin 15 illiyi münasibətilə hazırlanmış "Zaman-Azərbaycan - müstəqil Azərbaycanın yaşıdı" kitabının təqdimat mərasimi olacaq. Mərasimdə Azərbaycanı, Türkiyəni təmsil edən şəxslər, kütləvi informasiyasi vasitələrinin rəhbərləri və başqa qonaqlar iştirak edəcəklər.
Qeyd edək ki, "Zaman-Azərbaycan" qəzeti ilk dəfə 1991-ci il mayın 24-də işıq üzü görüb.