...

Zöhrə Ağamirova: Marina Durundaya tezliklə sağalmağı arzu edirəm

İdman Materials 25 Aprel 2017 17:56 (UTC +04:00)
Mən çox şadam ki, doğma Bakıda keçiriləcək Dünya Kubokunda iştirak etmək imkanım olacaq
Zöhrə Ağamirova: Marina Durundaya tezliklə sağalmağı arzu edirəm

Bakı. Maksim Tsurkov - Trend:

Mən çox şadam ki, doğma Bakıda keçiriləcək Dünya Kubokunda iştirak etmək imkanım olacaq.

Bunu Trend-ə azərbaycanlı gimnast Zöhrə Ağamirova deyib.

O, yarışlarda iştirakı ilə bağlı həyəcanlı olduğunu da bildirib: “Mən gözləmirdim ki, komandamızın bir nömrəsi – Marina Durundanı əvəz edəcəyəm. Ümid edirəm ki, hər şey yaxşı olacaq. Çalışacağam ki, məşqçinin və azarkeşlərin ümidlərini doğruldum”.

Gimnast M.Durundaya tezliklə aldığı zədədən sağalmağı da arzu edib.

Qeyd edək ki, 28-30 aprel tarixlərində Bakı növbəti FIG Dünya Kuboku mərhələsinə ev sahibliyi edəcək. Dünyanın bir çox ölkəsindən ən zərif idman növünün nümayəndələri öz məharətlərini nümayiş etdirmək üçün bu dəfə də Milli Gimnastika Arenasına toplaşacaqlar.

Yarışlarda 21 ölkədən 92 gimnastın iştirak edəcəyi gözlənilir. Onlardan 34 nəfəri fərdi proqramda, 58 nəfəri isə ümumilikdə 10 qrup hərəkətləri komandasının tərkibində çıxış edəcək.

Ölkəmizi bu turnirdə yeniyetmələr proqramında Avropa çempionatının gümüş və bürünc medalçısı Jalə Piriyeva, Zöhrə Ağamirova, həmçinin Avropa çempionatının qrup hərəkətləri komandasının tərkibində gümüş medalçıları Siyana Vasileva, Diana Doman, Aleksandra Platonova, Ayşən Bayramova və Elif Zeynep Celep təmsil edəcəklər.

Yarışların ilk iki günü baş tutacaq təsnifat mərhələlərinin nəticələrindən asılı olaraq, həm fərdi gimnastlar, həm də qrup hərəkətləri komandaları arasında çoxnövçülük üzrə qaliblər və ayrı-ayrı alətlər üzrə finalçılar müəyyənləşəcək. Finallar isə turnirin son günü keçiriləcək.

Üç gün ərzində tamaşaçılar Azərbaycanın tanınmış gimnastları ilə yanaşı, bir çox xarici favorit idmançıların da çıxışlarını izləmək şansı əldə edəcəklər. Belə ki, yarışlarda 2 qat dünya çempionu və Avropa çempionu Aleksandra Soldatova (Rusiya), Avropa çempionatının bürünc mükafatçısı Zelikman Nikol (İsrail) və Rusiya (Olimpiya Oyunlarının qızıl medalçısı), İspaniya (Olimpiya Oyunlarının gümüş medalçısı), Bolqarıstan (Olimpiya Oyunlarının bürünc medalçısı), Belarus (dünya çempionatının bürünc mükafatçısı) qrup hərəkətləri komandaları iştirak edəcəklər.

Məqalədə:
Xəbər lenti

Xəbər lenti