Bakı. Trend:
Rusiyanın "Dinamo" futbol klubunun yarımmüdafiəçisi Sebastian Şimanski karyerasını Türkiyənin "Fənərbağça" klubunda davam etdirəcək.
Trend-in məlumatına görə, bu barədə "Dinamo"nun mətbuat xidməti bildirib.
Bildirilib ki, "Dinamo Moskva" və Türkiyənin "Fənərbağça" klubları polşalı yarımmüdafiəçi Sebastian Şimanskinin transferi ilə bağlı razılığa gəliblər.
24 yaşlı S.Şimanski 2019-2022-ci illərdə "Dinamo"da çıxış edib. O, 85 matçda 8 qol vurub, 17 məhsuldar ötürmə edib.