Bakı. Trend:
Azercell bu il günəş enerjisi ilə işləyən 40-dək radiostansiya işə salmağı planlaşdırır.
Trend xəbər verir ki, bunu mayın 7-si Azercell-in Hüquq, Etika və Komplayens departamentinin direktoru Şirin Əliyeva 2023-cü il üzrə Dayanıqlı İnkişaf haqqında Hesabatın təqdimatında deyib.
"Bu il Azercell günəş enerjisi ilə işləyən 40-dək radiostansiya işə salmağı planlaşdırır. Bu addım karbon izini əhəmiyyətli dərəcədə azaltmağa və rabitənin ekolojiliyini artırmağa imkan verəcək", - deyə o bildirib.
Xatırladaq ki, ötən ilin yekunlarına görə, Azercell-in gəliri təqribən 570 mlyon manat təşkil edib. Şirkətin bazardakı payı 48,2 faiz təşkil edir.
(Tərcümə: Rəna Əbdürəhmanova)