Bakı. Trend:
Böyük Britaniya, ABŞ və Avstraliya AUKUS müdafiə tərəfdaşlığı çərçivəsində sualtı döyüş dronları üzərində işləyirlər.
Trend xarici mediaya istinadla xəbər verir ki, bunu Böyük Britaniyanın müdafiə naziri Con Heli bildirib.
"Bu əlamətdar layihə sualtı missiyaları dəstəkləmək və dənizdə kollektiv üstünlüyümüzü qorumaq üçün hazırlanmış yüksək dərəcədə uyğunlaşa bilən, tapşırıqları yerinə yetirməyə hazır pilotsuz sualtı nəqliyyat vasitələri dəsti təqdim edəcək", - deyə britaniyalı nazir qeyd edib.
O əlavə edib ki, ölkələr bu cür dronlar üçün müasir müşahidə və silah sistemləri hazırlayırlar. Onun sözlərinə görə, bu cihazlar London, Vaşinqton və Kanadaya sualtı rabitə kabelləri və boru kəmərləri də daxil olmaqla təhdidlərə daha effektiv şəkildə cavab verməyə kömək edəcək.
AUKUS Müdafiə Tərəfdaşlığı, Hind-Sakit Okean bölgəsində təhlükəsizlik və müdafiə əməkdaşlığını gücləndirmək üçün 2021-ci ilin sentyabr ayında Avstraliya, Birləşmiş Krallıq və Amerika Birləşmiş Ştatları arasında yaradılıb. Sazişə əsasən, ölkələr Avstraliya üçün ənənəvi nüvə sualtı qayıqlarının hazırlanması da daxil olmaqla, qabaqcıl hərbi texnologiyaların birgə inkişaf etdirilməsini planlaşdırırlar.
Sualtı dron proqramı, kvant hesablamaları, sualtı nəqliyyat vasitələri, hipersəs silahlar, süni intellekt və kibertexnologiyalar sahələrində qabaqcıl hərbi texnologiyaların inkişafı AUKUS-un II Pillar proqramına daxildir.
