Bakı. Trend:
ABŞ-nin "MQ1" pilotsuz uçuş aparatı İranın ərazi suları üzərindən İran hava məkanını pozub. Hava hücumundan müdafiə qüvvələri onu vurub.
Trend-in məlumatına görə, bu barədə İslam İnqilabı Keşikçiləri Korpusunun (SEPAH) açıqlamasında bildirilib.
"Bu səhər tezdən düşmən əməliyyatı aparmaq məqsədi ilə İranın ərazi sularına daxil olan ABŞ ordusuna məxsus "MQ1" pilotsuz uçuş aparatı dərhal aşkar edilərək SEPAH-ın qabaqcıl hava hücumundan müdafiə sisteminin raketləri ilə vurulub", - deyə bildirilib.
Qeyd edilib ki, İranın ərazi suları üzərindəki hava məkanı tam nəzarət altındadır və hər hansı bir pozuntuya qəti cavab veriləcək.
