Bakı. Trend:
ABŞ Konqresinin Senatında iyulun 29-da Rusiya və İrana qarşı Amerika sanksiyalarının sərtləşdirilməsini nəzərdə tutan qanun layihəsi üzrə ikinci prosedur səsverməsi keçirilib.
Senatın iclası "C-SPAN" telekanalı tərəfindən canlı yayımlanıb.
Qanun layihəsi üzrə müzakirələrin başlanmasının lehinə 84 senator, əleyhinə isə 12 senator səs verib. Bu nəticə qanun layihəsi üzərində işin davam etdirilməsinə və sonrakı mərhələdə yekun səsvermənin keçirilməsinə imkan yaradır.
Sənəd üzrə ilk prosedur səsverməsi iyulun 28-də baş tutmuşdu. Həmin vaxt qanun layihəsini 86 senator dəstəkləmiş, 12 senator isə əleyhinə səs vermişdi.
