Bakı. Trend:
ABŞ ordusu şənbə günü Şərqi Sakit Okeanda narkotik qaçaqmalçılığında istifadə edildiyi güman edilən bir gəmiyə qarşı daha bir zərbə endirib.
Trend-in məlumatına görə, bu barədə ABŞ Cənub Komandanlığı xəbər verib.
"Kəşfiyyat gəminin Şərqi Sakit Okean bölgəsində narkotik qaçaqmalçılığı üçün məlum marşrutlar boyunca üzdüyünü və narkotik ticarəti üçün istifadə edildiyini təsdiqləyib", - deyə Komandalıq "X" sosial şəbəkəsində yazıb.
Zərbə nəticəsində üç nəfər həlak olub. ABŞ hərbçilərindən heç biri xəsarət almayıb.
