Bakı. Trend:
NATO Rumıniyada pilotsuz uçuş aparatının yaşayış binasına düşməsi ilə əlaqədar fövqəladə iclas keçirəcək.
Trend xəbər verir ki, bu barədə Bild məlumat yayıb.
“Bu məsələ birgə iclasda müzakirə olunacaq”, — deyə Finlandiya Prezidenti Aleksandr Stubb "X" sosial şəbəkəsində yazıb.
Stubb əlavə təfərrüat açıqlamayıb.
NATO baş katibi Mark Rütte də "X" platformasında insidenti qəti şəkildə pisləyib.
Xatırladaq ki, mayın 29-na keçən gecə Ukraynanın Odessa vilayəti ilə sərhəd yaxınlığında yerləşən Rumıniyanın Qalati şəhərində pilotsuz uçuş aparatı yaşayış binasına çırpılıb. İlkin məlumata görə, hadisə nəticəsində iki nəfər yaralanıb.
