Bakı. Trend:
2025-ci il ərzində aparılan monitorinqlər zamanı “Media haqqında” Qanunun 14.1.4-cü maddəsinin pozulması, yəni cinsi (gender) ayrı-seçkiliyin təbliğinə görə bir sıra kanallara sanksiyalar tətbiq edilib.
Trend xəbər verir ki, bu barədə məlumat Ailə, Qadın və Uşaq Problemləri üzrə Dövlət Komitəsinin 2025-ci il üzrə hesabatında əks olunub.
Məlumata görə, ilin müxtəlif vaxtlarında “Space TV”, “Xəzər TV”, “ARB”, “Baku TV” kanallarına rəsmi xəbərdarlıq edilib, bir dəfə “Space TV” ka nalının yayımı 6 saatlıq, “Kanal S” kanalının yayımı isə 24 saatlıq dayandırılıb.
Ailə institutunu nüfuzdan salan informasiyanın yayılmasına görə isə müxtəlif vaxtlarda “MTV” kanalına rəsmi xəbərdarlıq verilib, həmçinin inzibati xəta haqqında protokol tərtib olunaraq müvafiq məhkəməyə göndərilib.
