Bakı. Trend:
Gürcüstanın Batumi şəhərində təşkil olunan beynəlxalq boks turnirinə yekun vurulub.
Trend-in məlumatına görə, baş məşqçi Elbrus Rzayevin rəhbərliyi altında çıxış edən Azərbaycan millisi yarışda bir qızıl, bir gümüş və üç bürünc medal əldə edib.
Yığmamızın üzvü Bilalhəbaşi Nəzərov (50 kq) bütün görüşlərdə qələbə qazanaraq turnirin qalibi olub və fəxri kürsünün ən yüksək pilləsində yer alıb.
Kənan Nəcəfov (+90 kq) turniri gümüş medalla başa vurub. Tayfur Əliyev (60 kq), Əli Abdullayev (65 kq) və Abbasqulu Şadlinski (75 kq) isə bürünc medala layiq görülüblər.
