Bakı. Trend:
Çexiya ilə Azərbaycan arasında çox yaxşı və dinamik inkişaf edən münasibətlər mövcuddur.
Trend xəbər verir ki, bu barədə Çexiyanın Baş naziri Andrey Babiş öz "Instagram" səhifəsində yazıb.
O, iki ölkə arasında əməkdaşlığın yalnız formal xarakter daşımadığını, həm də konkret nəticələr verdiyini və gələcək üçün əhəmiyyətli potensiala malik olduğunu qeyd edib.
"Bu gün Azərbaycan Respublikasının Müstəqillik Günü münasibətilə keçirilən qəbulda iştirak etdim. Çexiya ilə Azərbaycan arasında çox yaxşı və dinamik inkişaf edən münasibətlər mövcuddur. Bir ay əvvəl böyük bir Çexiya biznes nümayəndə heyəti ilə birlikdə Azərbaycana səfərim sayəsində əməkdaşlığımız təkcə formal deyil, həm də konkret nəticələr verir və gələcək üçün əhəmiyyətli potensiala malikdir", - deyə Baş nazir bildirib.
