Bakı.Trend:
İsrailin Baş naziri Benyamin Netanyahu bildirib ki, ərəb dövlətləri fələstinlilərlə sülh prosesinə görə deyil, İsraili İranla qarşıdurmada güclü hərbi müttəfiq kimi gördükləri üçün bu ölkə ilə münasibətlər qururlar.
Trend bu barədə xarici mediaya istinadən xəbər verir.
Onun sözlərinə görə, region dövlətləri “İran tərəfindən işğal olunmaqdan” ehtiyat etdikləri üçün İsraillə münasibətləri normallaşdırmağa çalışırlar.
Netanyahu, həmçinin Fələstin dövlətçiliyi məsələsində hər hansı güzəşti rədd edərək, belə yanaşmanı “zəifliyin” təzahürü adlandırıb.
