Azərbaycan, Bakı / Trend , müxbir S.Babayeva/ Azərbaycanın Kənd Təsərrüfatı Nazirliyi tərəfindən Bakıda təşkil olunan kənd təsərrüfatı məhsulları yarmarkalarında 25,3 min ton məhsul satılıb. Çərşənbə günü nazirlikdən verilən məlumata görə, oktyabrın 27-28-də keçirilən son yarmarkaya 534 ton məhsul çıxarılıb.
2006-cı ilin iyul ayı ərzində 2007-ci il oktyabrın 28-dək 136 yarmarka təşkil olunub burada 1,46 min ton ət məhsulları, 8795,4 min ədəd yumurta, 635 ton süd məhsulları, 580 ton konservləşdirilmiş məhsullar, 10,3 min ton tərəvəz, 3,7 min ton kartof, 2,6 min ton bostan məhsulları, 507,2 ton dənli bitkilər, 5,4 min ton meyvə satılıb.
Nazirlikdə hesab edirlər ki, yarmarkalar istehsalçılara məhsullarını bazara maneəsiz çıxarmağa, əhaliyə isə, münasib qiymətə keyfiyyətli məhsullar əldə etməyə imkan verir.
Yarmarkalar Bakının yeddi rayonunda-- Suraxanı, Nərimanov, Yasamal, Xətai, Nizami, Binəqədi və Nəsimi rayonlarında hər şənbə və bazar günləri keçirilir.
