Azərbaycan, Bakı, 18 dekabr/ Trend , müxbir Ü.İsmayılova/Noyabrda "elite" sinifli yaşayış komplekslərində ən bahalı mənzillərin kirayə dəyəri yeddi faiz azalıb, - "MBA Group" Konsaltinq Şirkətinin eksperti Firudin Əhmədli cümə axşamı bildirib.
"Buna baxmayaraq, bazarda bahalı mənzillərə böyük tələbat müşahidə olunur", - Əhmədli deyib.
Ekspertin rəyinə görə, əvvəlki illərlə müqayisədə, hazırda Bakının daşınmaz əmlak bazarında qiymətlər çox yüksəkdir və elit mənzillərin kirayə dəyəri, orta hesabla, iki min manatdan 4 min manatadəkdir. Qiymətlər onların yerləşməsindən asılı olaraq dəyişir.
Belə növ mənzil müştərilərinin sayı 30 faiz azalıb ki, ekspertlər bunu maliyyə böhranının təsiri ilə izah edirlər.
Yaxın vaxtlarda mənzil kirayəsi bazarında yaranmış vəziyyətə görə, ola bilsin, kommersiya obyektlərinin icarə qiymətləri düşəcək, - Əhmədli deyib.
"Bazardakı bu vəziyyət gələn ilin payızınadək davam edəcək və hətta maliyyə böhranının problemləri həll edildikdən sonra, əvvəlki səviyyənin bərpası üçün hələ 2 il lazım olacaq", - ekspert bildirib.
MBA Group-un ekspertlərinin hesablamalarına görə, noyabrda Bakının daşınmaz əmlak bazarında qiymətlər 1,7 faiz - bir kv.m.-ə görə 1687 dollaradək azalıb.
MBA Group - ölkə iqtisadiyyatının, demək olar ki, bütün sahələrində müntəzəm monitorinqlər aparan Konsaltinq Şirkətidir.
Müəlliflə əlaqə saxlamaq üçün elektron ünvan: [email protected]
