...

Azərbaycan və Bolqarıstan əmtəə dövriyyəsinin artırılmasına yönələn tədbirlərin keçirilməsinə başlayıblar

Biznes və iqtisadiyyat xəbərləri Materials 2 Mart 2010 17:40 (UTC +04:00)

Azərbaycan, Bakı, 02 mart / Trend , müxbir N.İsmayılova/

Azərbaycan və Bolqarıstan əmtəə dövriyyəsinin artırılmasına yönələn stimullaşdırılmış tədbirlərin keçirilməsinə başlayıblar. Bu barədə çərşənbə axşamı Bolqarıstanın Azərbaycandakı səfiri Vasil Kalinov bildirib.

"Ötən ilin yekunları üzrə iki ölkə arasında əmtəə dövriyyəsi 20 milyon manata yaxın təşkil edib və biz hesab edirik ki, bu, kifayət deyil. Odur ki, Azərbaycan istehlakçılarının kifayət qədər rəqabətqabiliyyətli sayılan Bolqarıstan məhsulları ilə tanışlığı üzrə tədbirlərin keçirilməsinə başlamışıq", - Kalinov vurğulayıb.

Onun sözlərinə görə, Bolqarıstan məhsulları Azərbaycan bazarındakı digər ölkələrin məhsullarından 2-4 dəfə ucuzdur.

"Hesab edirik ki, bu, bazarda daha ucuz, yüksək Avropa keyfiyyətli məhsulların olması üçün yaxşı imkandır", - o deyib.

Bu çərçivədə çərşənbə axşamı Bakıda Bolqarıstan istehsalı olan ət, süd məhsulları və şərab növlərinin dequstasiyası keçirilib.

"Görüşdə Bolqarıstanın bir neçə firması - qida sənayesinin nümayəndələri təmsil olunublar. Görüşün yekunları üzrə danışıqlar aparılacaq, sərgidə əsas məqsəd isə Azərbaycan və Bolqarıstan şirkətləri arasında müqavilələrin imzalanmasıdır", - Kalinov deyib.

Onun sözlərinə görə, belə əməkdaşlıq indiyədək qeyri-mütəşəkkil inkişaf edib. İndi isə iki ölkə hökumətlərinin bir-birinə yardım göstərdiyi vaxtda bu, əmtəə dövriyyəsinin artmasına təsir göstərəcək.

"Mayda Bakıda kənd təsərrüfatı məhsullarının sərgisi keçiriləcək. Sərgidə Bolqarıstan istehsalçıları iştirak edəcəklər. Düşünürəm ki, bu, ölkələr arasında qarşılıqlı əlaqələrin inkişafına yaxşı töhfə olacaq", - o bildirib.

Xəbər lenti

Xəbər lenti