Аzərbaycan, Bakı, 10 dekabr /Trend, müxbir N.İsmayılova/
Azərbaycan Mərkəzi Bankı (AMB) oktyabr ayında (dövriyyədəki nağd pulların (banklardan kənarda) və maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının) pul kütləsinin (M2) 1,2 faiz, 2010-cu ilin analoji dövrü ilə müqayisədə isə 33,3 faiz artdığını bəyan edib. Bu barədə şənbə günü AMB-nin məlumatında bildirilir.
Belə ki, 2011-ci il noyabrın 1-nə olan vəziyyətə görə, M2 göstəricisi 9748,6 milyon manat təşkil edib. Oktyabrın əvvəlində bu rəqəm 9630,3 milyon manat, 2010-cu ilin noyabrın 1-də isə 7314,5 milyon manat olub.
2011-ci il noyabın 1-nə olan vəziyyətə görə, nağd pul kütləsi (M0) 6505,3 milyon manat təşkil edib. Oktyabrın əvvəlində bu rəqəm 6465,9 milyon manat, 2010-cu ilin noyabrın 1-də isə 4942,6 milyon manat təşkil edib.
Genişlənmiş pul kütləsi (Broad Money Supply (M3) noyabrın əvvəlinə 12652,2 milyon manat, oktyabrın əvvəlində 12652,2 milyon manat, noyabrın 1-də isə 9619,9 milyon manat təşkil edib.
Noyabın əvvəlinə sövdələşmələr üçün məbləğlər (transaction money (M1) 7835,8 milyon manat, oktyabrın əvvəlində 7809,7 milyon manat, 2010-cu il noyabrın 1-də isə 5999,9 milyon manat təşkil edib.
Dekabrın 10-na olan rəsmi məzənnə 0,7864 AZN/USD təşkil edir.