Azərbaycan, Bakı, 13 mart /Trend müxbir A.Axundov/
İslam İnkişaf Bankı (İİB) Azərbaycanda fəaliyyətə başladığı dövrdən 2012-ci il yanvarın 1-nə qədər ölkədə ümumi həcmi 726,9 milyon dollar olan 15 layihə üzrə 17 kredit sazişi imzalayıb.
Trend-in məlumatına görə, bu barədə "Nazirlər Kabinetinin 2011-ci ildə fəaliyyəti haqqında hesabat"da deyilir.
On layihənin reallaşdırılması artıq başa çatıb, beşi isə davam edir.
2012-ci il yanvarın 1-nə qədər ayrılan kreditlərin ümumi həcmindən 501 milyon dollar və ya 68,9 faizi xərclənib. 2011-ci ildə İİB-in kreditlərindən 240,6 milyon dollar istifadə edilib.
Bu il yanvarın 1-nə olan məlumata görə, İİB-ə kreditlərin əsas borcundan 37,1 milyon dollar qaytarılıb.
