Azərbaycan, Bakı, 13 iyun /Trend/
Azərbaycan Mərkəzi Bankı və "Deloitte" audit şirkətinin birgə təşkilatçılığı ilə banklar üçün Maliyyə Hesabatlığının Beynəlxalq Standartlarında (MHBS) olan yeniliklərə aid seminar keçirilib.
AMB-dən çərşənbə günü Trend-ə verilən məlumata görə, iki gün davam edən treninqlər "Deloitte" şirkətinin MHBS sahəsində ixtisaslaşmış mütəxəssisləri tərəfindən aparılıb. Seminarda MHBS-də edilmiş cari dəyişikliklərlə yanaşı, bankların maliyyə hesabatlığına təsir edə biləcək planlaşdırılan yeniliklər də müzakirə edilib.
Seminarda Azərbaycanda fəaliyyət göstərən kommersiya banklarının nümayəndələri ilə yanaşı, Maliyyə Monitorinqi Xidməti və Mərkəzi Bankın müvafiq departamentlərinin əməkdaşları da iştirak ediblər.
