Azərbaycan Milli Bankının məlumatlarına görə, ötən ilin analoji dövrü ilə müqayisədə 2006-cı ilin iyul ayında baza inflyasiyası 7,6% artıb. AMB-dən Trend ə verilən xəbərə görə, iyul ayında istehlak qiymətlərinin artım indeksi iyuna nisbətən 0,6%, 2005-ci ilin dekabrına nisbətən isə - 4,9% artıb. Bu hesablaşmalar birinci metodologiya üzrə həyata keçirilib və bu zaman inzibati cəhətdən tənzimlənən qiymətlərin (enerji daşıyıcılarının qiymətləri) və mövsüm xarakterli qiymətlərin (meyvə və tərəvəzin) dəyişməsi nəzərə alınır.
Kəskin tendensiyaları aradan qaldıraraq, bütün qiymət dəyişikliklərinin qaydaya salındığı hesablaşmanın ikinci metodologiyası üzrə baza inflyasiyası 2005-ci ilin iyul ayı ilə müqayisədə bu ilin iyul ayında 2,6% təşkil edib. İlin əvvəli ilə müqayisədə artım 3,2%, iyun ayı ilə müqayisədə isə - 0,4% təşkil edib. Bu göstəricini hesablayarkən, Milli Bank inzibati və mövsüm (meyvə-tərəvəz) qiymətlərinin müəyyən olunduğu mal və xidmətlərin təxminən 16% -ni səbətdən təmizləyir.
