Access Microfinance Holding Azərbaycan mikromaliyyələşdirmə bankının tamhüquqlu səhmdarı olacaq
Yanvarın 20-dək Azərbaycan mikromaliyyələşdirmə bankının elan olunmuş nizamnamə kapitalının ödənişinin tamamlanması planlaşdırılır. Nizamnamə kapitalı səhmdarların baş assambleyasının qərarı ilə 11 mln. AZN səviyyəsində təsdiq olunub.
Çərşənbə günü bankdan Trend ə verilən xəbərə görə, yeni kapitalın formalaşması həm mövcud səhmdarların, həm də cəlb olunmuş yeni, altıncı səhmdar - Access Microfinance Holding kommersiya mikromaliyyələşdirmə holdinq şirkəti hesabına həyata keçiriləcək.
Access şirkətinin səhmdar payı 9,95% təşkil edəcək. Buna görə şirkət nominal üzrə 1,095 mln. səhmə sahib olmaq üçün 1,095 mln. manat ödəyəcək.
Bu zaman digər səhmdarlarda pay iştirakında nisbət həmçinin dəyişikliyə məruz qalacaq. Əvvəlki 6713,370 min manat kapitalda Almaniyanın KFW inkişaf bankına 24,96% (1069,108 min manat), LfC şirkətinə - 5,69% (560 min manat), Qara dəniz ticarət və inkişaf bankı və Beynəlxalq maliyyə korporasiyasının hər birinə - 25,55% (1715,095 min manat), AYİB-ə isə - 18,7% (1225,097 min manat) məxsus olub. Kapital artdıqdan sonra KFW bankının payı 24,95%-ə (bu zaman kapitalın formalaşmasında iştirak 2 745 min manat səviyyəsində olacaq), LfC şirkətinin payı - 5,09%-ə (779 min manat), QTİB və BMK-nın payı - 20%-ə (2200 min manat) azalacaq, AYİB-in payı isə 20%-ə qədər (2200 min manat) artacaq.
Access Microfinance Holding 2006-cı ilin avqust ayında Berlində yaradılıb. Bu cəmiyyətin səhmdarları KFW Almaniya inkişaf bankı, AYİB, Beynəlxalq maliyyə korporasiyası və Omidyar Tufts Microfinance Fund şirkətidir. Access Microfinance Holding şirkətinin nizamnamə kapitalı 18 mln. avro təşkil edir.
