...

Azərbaycan Dövlət Neft Şirkəti BP-nin işlədiyi yataqlardan hasilatın artırılması üzrə miqyaslı layihənin dəyərini açıqlayıb

Energetika Materials 9 Sentyabr 2008 14:51

Trend-i buradan izləyin

Azərbaycan, Bakı, 09 sentyabr / Trend Cap , müxbir E.İsmayılov/ "Azəri - Çıraq - Günəşli" yataqlarının işlənilməsi çərşivəsində hasilatın artırılması layihəsi ilkin olaraq $10 mlrd. qiymətləndirilir", - Azərbaycan Dövlət Neft Şirkətinin (ARDNŞ) yüksək vəzifəli nümayəndəsi çərşənbə axşamı bildirib.

"Azəri - Çıraq - Günəşli" yatağlarının işlənilməsi layihəsinin operatoru BP şirkəti yeni platformalar, boru kəmərləri və digər infrastrukturun tikilməsi hesabına bu yataqlardan hasilatın artırılması layihəsinin irimiqyaslı işlənilməsinə başlayıb, ARDNŞ-dəki mənbə qeyd edib.

"Hazırda işlərin, planlaşdırılan neft və qaz hasilatının həcmi müəyyən edilib. Bu layihənin realizəsi üçün yeni sazişin bağlanmasına zərurət yoxdur. O, 1994-cü ildə imzalanan mövcud PSA müqaviləsi çərçivəsində realizə ediləcək", - ARDNŞ-in nümayəndəsi bildirib.

"Layihəni 2009-cu ildə təsdiq etmək nəzərdə tutulur. Qalan məsələlər irimiqyaslı layihənin hazırlanmasından asılı olacaq", - Dövlət Neft Şirkətindəki mənbə vurğulayıb.

Onun sözlərinə görə, bu layihəyə yatırılan sərmayələr 2024-cü ilədək qüvvədə olacaq mövcud müqavilə çərçivəsində qaytarılacaq.

"Azəri - Çıraq - Günəşli" yatağlarının işlənilməsi layihəsinin operatoru BP-nin nümayəndələri bəyan edirdilər ki, yataqdan sutkada 1 ml. bareldən çox (ildə 50 mln. tondan çox) sabit hasilat əvvəllər planlaşdırıldığı kimi 2009-cu ildən 2013-cü ilədək deyil, 2009-cu ildən 2019-cu ilədək uzadıla bilər.

Beləliklə, yataqdan hasil edilən neft ehtiyatı 9 mlrd. barelədək arta bilər.

Sutkada 1 mln. bareldən çox sabit neft hasilatı dövrü "Balaxanı" lay dəstəsində neft hasilatı üçün 2013-cü ildə "Çıraq" yatağında platformanın tikilməsi hesabına uzadıla bilər. Hər il bu platformadan sutkada 100 min barel neft hasil edilir. "Balaxanı" lay dəstəsində neft hasil etmək üçün 2015-ci ildə "Azəri" yatağında da yeni platforma quraşdırılacaq və bu, sutkalıq hasilatı daha 100 min barel artırmağa imkan verəcək. BP "Balaxanı" lay dəstəsinin hesabına əlavə 320-350 mln. barel neft hasil etməyi planlaşdırır.

Bundan əlavə, daha kiçik obyektlərdən hasilat üçün quyu torunu sıxlaşdırmaq olar. Ümumilikdə yeni texnologiyalar hesabına əlavə 1 mlrd. barel neft hasil etmək olar.

"Azəri - Çıraq - Günəşli" yataqlarından Bakı - Tbilisi - Ceyhan boru kəməri ilə ixrac edilən Azeri Light növlü neft hasil edilir.

Müəlliflə əlaqə saxlamaq üçün elektron ünvan cap

Xəbər lenti

Xəbər lenti