Azərbaycan, Bakı, 10 yanvar /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) Xəzərin Azərbaycan sektorundakı "Günəşli" yatağının dayaz hissəsində ilk horizontal quyunu istismara verib. Trend-in məlumatına görə, bu barədə cümə günü ARDNŞ-nin yaydığı xəbərdə deyilir.
Məlumatda bildirilir ki, quyunun gündəlik debeti 260 ton neft və 20 min kubmetr qaz təşkil edir.
Yataq ARDNŞ-nin "28 May" NQÇİ-nin balansındadır.
ARDNŞ "Günəşli" neft-qaz yatağının dayaz hissəsində hasilatın artılması çərçivəsində 20 yeni quyunun qazılmasını planlaşdırır.