Azərbaycan, Bakı, 20 avqust /Trend, müxbir H Vəliyev/
İlin sonuna kimi Azərbaycan poçt operatoru "Azərpoçt" MMC tərəfindən buraxılan plastik ödəmə kartlarının sayı 25 faiz artırılacaq. Bu barədə çərşənbə günü Trend-ə açıqlamasında Rabitə və İnformasiya Texnologiyaları Nazirliyinin Poçt rabitəsi şöbəsinin rəhbəri Novruz Məmmədov bildirib.
Məmmədovun sözlərinə görə, hazırda "Azərpoçt"un kartlarının sayı 12 min ədədə çatır ki, bu da ilin əvvəlində olan göstəriciyə nisbətən 20 faiz çoxdur.
"Azərpoçt"un ödəmə kartlarına "Millikart" prosessinq mərkəzi tərəfindən xidmət göstərilir. "Azərpoçt" "Mastercard"ın prinsipial üzvüdür.
İlin sonuna kimi poçt operatoru ilin sonuna kimi o cümlədən öz şəbəkəsində bankomatların sayını da 20-yə çatdırmağı planlaşdırır. İkiqat artım o cümlədən POS terminalların sayında da gözlənilir.
Hazırda "Azərpoçt" şəbəkəsində bankomatların sayı 15 ədəd, POS-terminalların sayı isə, 50-dən çoxdur.