...

FƏTH-in təklifi arxasında HƏMAS qruplaşmasının Qəzzə üzərində nəzarətini zəiflətmək istəyi durur – ekspertlər

Dünya xəbərləri Materials 11 İyul 2008 18:50 (UTC +04:00)

Azərbaycan, Bakı, 11 iyul / Trend , müxbir U.Sadıqova, E.Tariverdiyeva/ Mahmud Abbasın rəhbərlik etdiyi Fələstin hökumətinin qoşunların Qəzzə zolağına daxil olmaq niyyəti, FƏTH -in bəyan etdiyi kimi, regionda nəzarətin bərpa olnmasına deyil, daha çox onun mövqeyinin gücləndirilməsinə yönəldilib. "Mahmud Abbas fələstinlilər arasında vahid ideyanın yaradılması istiqamətində göstərdiyi səylərlə Qəzzədə təsirini genişləndirmək istəyir", - deyə ABŞ -ın Pensilvaniya Universitetinin analitiki Qavdat Bahqat hesab edir.

"Reuters" Agentliyinin verdiyi məlumata görə, Fələstinin Baş naziri Salam Fayəd çərşənbə günü bildirib ki, Fələstin Administrasiyası Qəzzə zolağı üzərində nəzarətini bərpa etmək üçün daha fəal tədbirlər görməlidir. Fayəd ərəb ölkələrinin təhlükəsizlik qüvvələrinin müvəqqəti olaraq regiona göndərilməsini təklif edib.

Baş nazir Fayəd öz bəyanatında bildirib ki, ötən il ərzində HƏMAS ilə FƏTH arasında baş verən parçalanma yalnız və yalnız dərinləşib ki, bu da Fələstin xalqını birlikdən uzaqlaşdırır və regionda vəziyyəti dərinləşdirir.

FƏTH-in rəsmi nümayəndəsi Ziyad Əbu Eynin Trend -a bildirdiyinə görə, Fələstin hökuməti Qəzzə zolağına daxil olmaq niyyətində olduğunu bildirib, bu, onun bu ərazini mənimsəmək istəyində olması demək deyil. "FƏTH müxtəlif üsullarla Qəzzə zolağında qanun-qaydanı bərpa etmək istəyir. Bu o demək deyil ki, milli hökumət şəxsi ambisiyaları naminə Fələstin xalqına ziyan gətirməyə calışır ", - deyə Əbu Eyn qeyd edib.

Əbu Eyn cümə günü Rəmallahdan telefonla bildirib ki, Qəzzə Zzolağı da daxil olmaqla, Fələstin əraziləri Fələstin hökumətinin yuridiksiyası altında olduğundan, FƏTH burada yaşayan əhalinin təhlükəsizliyini təmin etməyə məcburdur.

Əbu Eyn qeyd edib ki, Qəzzə HƏMAS və İslami Cihad qruplaşmaları kimi işğalçıların birləşmiş qüvvələri var. Onlar fələstinlilərin təhlükəsizliyini təmin edə bilmirlər. "Nə HƏMAS, nə İslami Cihad ərəb dünyası və ya beynəlxalq normaların heç birinə əməl etmirlər", - deyə Əbu Eyn bildirib.

Əbu Eyn bildirib ki, bu bəyanat Fələstinlə İsrailin sülh münasibətlərinə heç bir təsir göstərməyəcək;bu dialoq ümumfələstin səviyyəsində həll olunur.

Amerikalı politoloq Frensis Boylenin (Francis Boyle) rəyinə görə, FƏTH-in bütün bu fəaliyyət və bəyanatları fələstinlilər arasında hökumət tərəfindən milli birliyin bərpa olunması üzrə danışıqların yenilənməsi üçün aparılan "gizli ssenari"nin bir hissəsidir.

"Mən şübhə edirəm ki, HƏMAS Qəzzə zolağı üzərindəki nəzarətindən imtina edəcək, baxmayaraq ki, FƏTH İsrail və ABŞ -ın köməkliyi ilə burada öz rejimini tətbiq etmək istəyir", - deyə cümə günü İllinoys (ABŞ) Universitetinin eksperti Boyl elektron poçtla Trend -a bildirib.

Lakin, Bahqatın sözlərinə görə, Mahmud Abbas anlayır ki, ABŞ prezidenti Corc Buş və İsrailin Baş naziri Ehud Olmert FƏTH-ə kifayət qədər yardım göstərmək gücündə deyil. "Buş Administrasiyasının cəmi altı aylıq rəhbərlik dövrü qalıb, İsrailin Baş naziri isə, korrupsiyada ittiham olunur və bir çox analitiklər əmindirlər ki, onun hakimiyyət günlərinin başa çatmasına az qalıb" - deyə Pensilvaniya Universitetinin Yaxın Şərq üzrə Mərkəzinin direktoru Bahqat Trend -a bildirib.

Boylun rəyinə görə, əlbəttə, israillilər və amerikalılar birləşmiş ərəb qüvvələrinin sülhün dəstəklənməsi məqsədilə Qəzzə zolağında mövqe tutmasına şad olacaqlar. "Məhz buna görə, İsrail Qərb sahilində NATO silahlı qüvvələrini - onların arxasından çirkli işlər çevirmək üçün- əldə etmək istəyərdi.

Lakin Bahqatın sözlərinə görə, qoşunların Qəzzə Zolağına göndərilməsi barədə təklif hələ də həyata keçirilməyib. Ola bilsin ki, heç bir ərəb ölkəsi qoşunlarını ora göndərmək məsuliyyətini üzərinə götürməyib. Başqa sözlə, bu planın bir çox detallları hazırlanmalıdır.

HƏMAS islami müqavimət hərəkatı 1987-ci ilin dekabrında şeyx Əhməd Yasin tərəfindən təsis edilib. Hərəkatın məqsədi müstəqil Fələstin dövləti yaratmaq və İsrail tərəfindən işğal olunan Fələstin torpaqlarının azad edilməsindən ibarədir. FƏTH ilə münasibətlər 2006 -cı ildə parlamentdə qələbə qazanıldıqdan sonra pisləşib.

FƏTH hərəkatı 1956 -cı ildə təsis edilib. Onun tarixi lideri Yasir Ərəfatdır (Əbu Əmmar), bu gün hərəkata Mahmud Abbas rəhbərlik edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti