Azərbaycan, Bakı, 26 may / Trend /
Azərbaycan və İran muğam musiqisi ilə bağlı "Muğam" sənədli filminin çəkilişinə başlanılacaq. Film İranın SƏHƏR kanalının sifarişi ilə Qulamrza Siyamizadənin rejissorluğu və rəhbərliyi ilə çəkiləcək. Bu barədə İranın FARS xəbər agentliyi məlumat yayıb.
Sənədli film hər biri 30 dəqiqəlik 13 seriyalı olacaq. Sənədli filmdə İranın muğam musiqisinin Azərbaycan muğam musiqisinə təsiri məsələsi araşdırılacaq. Sənədli film İranda və Azərbaycanda lentə alınacaq.
Sənədli filmin əsas sujetini iranli və azərbaycanli musiqişünasların və ekspertlərin müsahibəsi, muğam musiqisi parçaları və onların muqayisəsi, muğamın tarixi və hansı ölkələrə yayılması təşkil edəcək.
Filmin çəkilişlərinə iyunun sonlarında başlanılacaq.