Türkiyənin xarici işlər naziri Əhməd Davudoğlu Brüsselə səfəri zamanı keçirdiyi mətbuat konfransında Türkiyə-Ermənistan münasibətlərinin normallaşmasının Dağlıq Qarabağ probleminin həllinə bağlı olduğunu bildirib. Bu haqda Türkiyənin DünyaBulteni informasiya agentliyi məlumat verib.
"Türkiyə-Ermənistan münasibətlərinin normallaşması Dağlıq Qarabağ probleminə bağlıdır", - deyə Davudoğlu bildirib.
Davudoğlu onu da qeyd edib ki, Dağlıq Qarabağ probleminin həlli regionda stabilliyə də müsbət təsir edəcək.
"Hədəfimiz Qafqazda sülh və sabitliyin olmasıdır", - deyə nazir qeyd edib.