Bazar ertəsi günorta saatlarında İranın Fars əyalətinin Kazerun şəhərində Rixter cədvəli üzrə 5,9 bal gücündə zəlzələ baş verib. Məlumatı İranın MEHR xəbər agentliyi yayıb.
Bəzi İran KİV-ləri Fars əyalətində baş vermiş zəlzələnin 6,1 bal gücündə olduğunu bildirir.
Zəlzələ yerli vaxtla saat 14:52-də baş verib. Bundan başqa, bu gün səhər İranın Türkiyə ilə sərhəd Qərbi Azərbaycan əyalətində də yerli vaxtla saat 07:56-da Rixter cədvəli üzrə 4,1 bal gücündə zəlzələ baş verib.
Hələlik hər iki zəlzələ nəticəsində ölən, yaralananlar və zəlzələnin vurduğu ziyan barədə məlumat yoxdur.