Azərbaycan, Bakı, 19 aprel /Trend/
2012-ci ilin sonuna Ermənistanın dövlət borcu 1 trilyon 508 milyon dram (3,738 milyard dollar) və ya ÜDM-nin 37,99 faizini təşkil edib. Trend-in cümə günü "Armenian report"a istinadən verdiyi məlumata görə, bunu Ermənistanın maliyyə naziri vəzifəsini icra edən Vaçe Qabrielyan hökumətin iclasında deyib.
Onun sözlərinə görə, borcun əsas hissəsi bilavasitə hökumətin öhdəliklərinin, 3,143 milyard dram və ya 594 milyon dollar isə Mərkəzi Bankın payına düşür.
Bununla yanaşı, daxili dövlət borcunun nominal dəyəri 294 milyard dramdır (1 dollar - 416,65 dram).