Bakı. Trend:
Meksikanın Xalisko ştatında 3 İtaliya vətəndaşı polislər tərəfindən oğurlanaraq cinayətkar qruplaşmaya təhvil verilib.
Trend-in məlumatına görə, bu barədə ştatın prokurorluğunun məlumatında deyilir.
Məlumata əsasən, italiyalıların oğurlanmasında şübhəli bilinən polislər artıq müəyyən edilib: "İtalyanların itkin düşməsində şübhəli bilinən 4 nəfər saxlanılıb. Onlar Tekalitlana bələdiyyəsinin polisinin əməkdaşlarıdır. Onlar bildirib ki, italyalıları cinayətkar qruplaşmaya təhvil veriblər".
Bildirilir ki, onları 40-60 il həbs cəzası gözləyir. Hazırda prokurorqluq əcnəbilərin axtarışını davam etdirir.
Qeyd edək ki, yanvarın 31-də Meksikada 3 İtaliya vətəndaşı itkin düşüb. Onların qohumları tərəfindən prokurorluğa bu barədə fevralın 1-də məlumat verilib. İtkin düşənlərin hamısı İtaliyanın Neapol şəhərinin sakinləridir. Onlar itkin düşməzdən əvvəl telefonla qohumlarına polislər tərəfindən saxlanıldıqlarını bildiriblər. Bundan sonra onlarla əlaqə kəsilib.