Bakı. Trend:
Misirdə yeni növ koronavirusdan daha iki nəfər ölüb. Hazırda ölümlərin ümumi sayı 4-ə çatıb.
Trend-in məlumatına görə, bu barədə ölkənin Səhiyyə Nazirliyinin rəsmi nümayəndəsi Xaled Muqahed deyib.
"Luksorda 72 yaşlı Almaniya vətəndaşı ölüb, ikinci qurban isə martın 12-də ölən misirli qadınla əlaqə saxlayan, ölkənin şimalındakı Dakaxliya əyalətinin 52 yaşlı sakinidir", - nümayəndə bildirib.
Misirdə yeni növ koronavirusa yoluxanların ümumi sayı 166 nəfərə çatıb, o cümlədən bir sutka ərzində 40 yeni hal aşkar edilib, onların arasında beş əcnəbi vətəndaş var. Sağalananların sayı 26 nəfərdir.