Bakı. Trend:
Fransanın Aqle şəhərində meşə yanğını başlayıb.
Trend-in "TASS"a istinadən verdiyi məlumata görə, yanğın təxminən 100 hektar meşə massivini məhv edib, 6 yaşayış evi yanıb.
Bildirilir ki, yanğın nəticəsində 5 nəfər tüstündən zəhərlənib və xəstəxanaya yerləşdirilib.
Qeyd edilir ki, vəziyyət güclü külək səbəbilə çətinləşir. Yanğının söndürülməsinə təxminən 150 yanğınsöndürən cəlb edilib. Yanğına yaxın ərazidə yaşayan onlarla insan təxliyə edilib.