Bakı. Trend:
Tayvanın kompüter şirkəti "Acer" böyük məlumat pozuntusuna məruz qaldığını rəsmi olaraq təsdiqləyib.
Trend-in məlumatına görə, ancaq "Acer" müştəri məlumatlarının oğurlanmadığını açıqlayıb. Bildirilib ki, hakerlər tərəfindən əldə edilən məlumatlar təmir ustaları üçün mövcud olan daxili serverdə olanlardan ibarətdir.
Oğurlanmış məlumatların həcmi 160 GB təşkil edib. Bildirilir ki, bu yüksəkhəcmli məlumatlara məxfi daxili slaydlar və təqdimatlar daxildir.
Bundan başqa, texniki dəstək üçün personal sənədləri, "Windows ISO" faylları, texniki təlimatlar, proqram vasitələri, məhsul məlumatları və çox sayda "BIOS" materialının da oğurlananlar arasında olduğu bildirilir.