Bakı. Trend:
ABŞ-ın yeni seçilmiş prezidenti Donald Tramp, Ağ Evin Milli İqtisadi Şurasının rəhbəri vəzifəsinə, ilk müddətində baş müşaviri olan Kevin Hassetti təyin edib.
Trend-in məlumatına görə, bu barədə Bloomberg mənbələrinə istinadən xəbər verilib.
Agentliyin qeyd etdiyi kimi, Hasset, bu vəzifədə yeni administrasiyanın tariflər, ticarət və dövlət xərcləri sahələrində qərarların qəbul edilməsi prosesində əsas bələdçi olacaq. Tramp dövründə administrasiya əlavə gömrük tariflərinin tətbiqi siyasətini dəstəkləyib.
Bundan əvvəl, seçilmiş ABŞ prezidenti Donald Tramp, Truth Social sosial şəbəkəsindəki səhifəsində Meksika və Kanadadan gələn bütün mallara 25% rüsum tətbiq edəcəyini bildirərək, qeyri-qanuni miqrasiya və narkotik qaçaqmalçılığı məsələləri ilə bağlı sərt addımlar atılacağını vurğulamışdı.