Bakı. Trend:
"Barselona" Çempionlar Liqasının Liqa mərhələsinin 5-ci turunda keçiriləcək "Brest" ilə matça daha bir itki ilə çıxacaq.
Trend bu barədə xarici KİV-lərə istinadən xəbər verir.
Məlumata görə, Alexandro Balde "Barselona" – "Brest" matçının heyətindən çıxarılıb. Buna səbəb 21 yaşlı cinah müdafiəçisinin zədəsidir. Zədə ciddi olmasa da, məşqçilər heyəti risk etmək istəməyiblər.
Qeyd edək ki, daha öncə "Barselona"nın daha bir futbolçusu Lamin Yamalın zədə səbəbindən matçda iştirak etməyəcəyi bildirilmişdi.