Bakı. Trend:
NATO-nun keçmiş baş katibi Yens Stoltenberq Bildeberq Klubunun yeni rəhbəri təyin edilib.
Trend xəbər verir ki, bu barədə Daily Mail nəşri məlumat yayıb.
Nəşr Stoltenberqin bu vəzifəyə təyin olunmasını ABŞ-ın yeni seçilmiş prezidenti Donald Trampın gözlənilən andiçmə mərasimi ilə əlaqələndirir. Bildirilir ki, Stoltenberq "transatlantik siyasət sahəsindəki təcrübəsi" səbəbindən klubun fəaliyyətinə cəlb olunub.
1954-cü ildə yaradılmış Bildeberq Klubu uzun illərdir ki, Alp dağlarındakı lüks otellərdə keçirilən gizli görüşləri ilə diqqət çəkir. Bu toplantılarda iştirakçılar beynəlxalq əlaqələr, iqtisadiyyat və təhlükəsizlik məsələlərini müzakirə edirlər.