Bakı. Elmira Tariverdiyeva - Trend:
Azərbaycanda barəsində istintaq davam edən Rusiya vətəndaşı Marat Ueldanovun saxlanma şərtləri Avropa tələblərinə cavab verir.
Trend-in məlumatına görə, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün brifinq zamanı deyib.
Onun sözlərinə görə, Rusiyanın Azərbaycandakı səfirliyi onun sağlamlığının qənaətbəxş olduğunu Rusiya XİN-ə məlumat verib.
M.Zaxarova son zamanlar M.Ueldanovun qohumlarına istinadən bir sıra KİV-lərin ona tibbi xidmət göstərilmədiyi barədə məlumatı təkzib edərək, onun lazımı qaydada tibbi yardım aldığını və müalicə kursunu da keçdiyini bildirib.