İqtisadi əməkdaşlıq üzrə Azərbaycan -Misir hökumətlərarası komissiyanın II iclasının gündəliyi iyulun birinci yarısında Qahirədə iki ölkə hökuməti ekspertlərinin görüşündə razılaşdırılacaq.Bu barədə Trend agentliyinə Misirin Azərbaycandakı səfirliyində bildirilib.
Ekspertlər iqtisadi əməkdaşlıq üzrə hökumətlərarası komissiyanın iyulun sonunda keçiriləcək növbəti iclasının gündəliyini, eləcə də iclas çərçivəsində imzalanacaq saziş layihələrini işləyib-hazırlayacaq və razılaşdıracaqlar.
Bugünkü gündə Azərbaycanla Misir arasında ticari-iqtisadi əməkdaşlığın inkişafına dair 5 ikitərəfli sənəd layihəsi hazırlanıb.Sənədlər kənd təsərrüfatı, ticarət, mədəniyyət, sənaye və digər sahələrdə əməkdaşlığın inkişafını əhatə edir.Bunlardan bir hissəsi razılaşdırılıb və bəyənilib, amma ayrı-ayrı bəndlərdə dəyişikliklər edilir.
Komissiya həmçinin Azərbaycanla Misir arasında mal dövriyyəsi həcminin artırılması imkanlarını da nəzərdən keçirəcək.Xatırladırıq ki, komissiyanın birinci iclası 2002-ci ilin oktyabrında Bakıda keçirilmişdi.Komissiyanın həmsədrləri Azərbaycan tərəfdən iqtisadi inkişaf naziri Fərhad Əliyev, Misir tərəfdən isə xarici əlaqələr naziri xanım Faizə ƏbulNaqadır.