...

Tədris-Cərrahiyyə Klinikasında daha bir uğurlu əməliyyat aparıldı

Cəmiyyət Materials 8 Fevral 2016 14:03 (UTC +04:00)
Azərbaycan Tibb Universitetinin Tədris-Cərrahiyyə Klinikasına traxeyanın yuxarı 1/3 hissəsinin daralması (stenozu) diaqnozu ilə müraciət edən 26 yaşlı qız üzərində cərrahiyyə əməliyyatı keçirilib.
Tədris-Cərrahiyyə Klinikasında daha bir uğurlu əməliyyat aparıldı

Bakı. İlhamə İsabalayeva - Trend:

Azərbaycan Tibb Universitetinin Tədris-Cərrahiyyə Klinikasına traxeyanın yuxarı 1/3 hissəsinin daralması (stenozu) diaqnozu ilə müraciət edən 26 yaşlı qız üzərində cərrahiyyə əməliyyatı keçirilib.

Universitetdən Trend-ə verilən məlumata görə, xəstə 5 ildən çoxdur ki, traxeyanın yuxarı 1/3 hissəsinin stenozu diaqnozu ilə müxtəlif klinikalarda müalicə alıb. Xəstə İranda və digər xarici ölkələrdə müayinələrdən keçib və onda traxeyanın yuxarı 1/3 hissəsinin stenozu diaqnozu quyulub və aparılan müalicə tədbirləri effekt verməyib.

Tədris-Cərrahiyyə Klinikasınının torakal cərrahı Arif Ağayevin sözlərinə görə, bu xəstəliyin müayinəsi zamanı endoskopiya - bronxoskopiya, boyun nahiyyəsinin və döş qəfəsinin kompüter tomoqrafiyası, maqnit rezonans tomoqrafiyasından (MRT) istifadə olunur: "Cərrahiyyə əməliyyatından öncə xəstə üzərində minimal invaziv əməliyyat aparıldı. Digər klinikalarda xəstəyə anastomoz qoyulması, böyük boyun əməliyyatı, həmçinin lazer cərrahiyyəsi təklif olunub. Bu əməliyyat baha başa gəlir. Xəstəyə deyilib ki, Türkiyədən mütəxəssis gəlib əməliyyatı icra edəcək. Amma xəstənin buna maddi imkanı çatmadığı üçün bizim klinikaya müraciət edib. Biz də müayinə və analizlərdən sonra xəstə üzərində kiçik sayılan, lakin texniki ağır olan bir cərrahiyyə əməliyyatı həyata keçirdik. Əməliyyatı endoskopist torakal cərrah və anestezioloqlardan ibarət həkim briqadası icra etdi".

A.Agayevin sözlərinə görə, ümumi anesteziya vasitəsilə 1 saat 20 dəqiqə müddətində həyata keçirilən cərrahiyyə əməliyyatı zamanı traxeya stenozu tamamilə ləğv olunub: "Tənəffüs yollarının keçiriciliyi bərpa olundu. Stenoz ləğv edildikdən sonra kiçik ölçülü fibrobronxoskop vasitəsilə bronx yollarına daxil olduq və bronxo-alveolyar mənfəz sanasiya edildi. Traxeya və nəfəs yolları divarından çoxsaylı biopsiyalar alındı".

Məqalədə:
Xəbər lenti

Xəbər lenti