Azərbaycan, Bakı, 14 fevral /Trend/
Azərbaycan Atletika Federasiyası "Kids athletics Azerbaijan" adlı layihə çərçivəsində bölgələrdə seminarlar təşkil edəcək.
Gənclər və İdman Nazirliyinin mətbuat xidmətindən Trend-ə verilən məlumata görə, əsas məqsədi uşaq atletikasının inkişafı olan ilk seminar fevralın 18-də saat 10:00-da Astara Olimpiya İdman Kompleksində keçiriləcək.
Qeyd edək ki, layihəyə uyğun olaraq, seminarlar Gəncə, Xaçmaz, Sumqayıt, Şəki və Bakı şəhərlərində davam etdiriləcək.