Bakı. Trend:
2017-ci il üçün Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun gəlir və xərcləri 3,4 milyard manat həcmində proqnozlaşdırılır. Bu, 2016-cı il üçün olan göstəricidən 100 milyon manat çoxdur.
Trend-in məlumatına görə, bunu Milli Məclisin plenar iclasında 2017-ci il və növbəti üç il üçün dövlət büdcəsi və sosial-iqtisadi inkişaf konsepsiyasının müzakirələri zamanı parlamentin Əmək və sosial siyasət komitəsinin sədri Hadı Rəcəbli deyib.
Onun sözlərinə görə, bu artımın əsas hissəsi sosial sığorta ödənişlərinin artması ilə bağlıdır.