Bakı. Trend:
ABŞ-Aİ energetika üzrə Şurası Transadriatik boru kəmərinin (TAP) tikintisi daxil olmaqla Cənub Qaz Dəhlizinin açılmasını qətiyyətlə dəstəklədiyini bildirib.
Trend-in məlumatına görə, bu barədə ABŞ-Aİ energetika üzrə Şurasının bəyanatında deyilir.
Qeyd edək ki, "Cənub Qaz Dəhlizi" layihəsinin məqsədi "Şahdəniz" qaz-kondensat yatağının istismarının ikinci mərhələsinin işlənməsi, bu zaman hasil ediləcək təbii qazın genişləndiriləcək Cənubi Qafqaz Qaz Boru Kəməri və yeni tikiləcək Trans-Anadolu Qaz Kəməri (TANAP) və Trans-Adriatik Boru Kəməri (TAP) vasitəsilə Türkiyə və Cənubi Avropa ixracını təmin etməkdir.