Azərbaycan, Bakı, 24 iyul /Trend/
"Xalq Bank" müştərilərin rahatlığı üçün daha bir Cash-in tipli bankomatı istifadəyə verdi.
Bankın bütün plastik kart müştəriləri banka gəlmədən, günün istənilən vaxtı 24/7 rejimində fəaliyyət göstərən Cash-in tipli bankomat vasitəsilə manat və ABŞ dolları valyutalarında karta pul mədaxil edə bilərlər. Həmçinin bankın kredit kart müştəriləri kart üzrə kredit borclarını ödəyə bilərlər.
Cash-in tipli bankomatın ən vacib üstünlüklərindən biri də pul vəsaitlərinin bankın iş rejimindən asılı olmayaraq həmin anda müştərinin kart hesabına keçirilməsidir.
Qeyd edək ki, Xalq Bank-ın Cash-in tipli bankomatlarından biri bankın baş ofisində, İnşaatçılar pr., 22L, digəri isə bankın "Mərkəz" filialında, 28 May küç., 19 ünvanında yerləşir.